Basel und d Fasnacht

 

 

 

Was schtellt is d Heerli uff im Gnigg,

Wenns am Mäntig vieri schloot,

Du di sälig fyylsch und voller Gligg

Und ändlig d Fasnacht vor dr Diire schtoot?

 

Werum grällelets aim vom Rugge bis in d Schue,

Wenn d Kopf-Laddäärnli d Freie abe kemme?

Du schtuunsch und luegsch und griegsch nit gnue.

Laufsch mit im Taggt, wo alli kenne!

 

Was isch es denn, was is so fesslet

An däne drey Dääg im Joor?

Wenns duur d Gasse pfyfft und kesslet

Und d Deen glääbe blyybe in dym Oor?

 

Do bisch uff d Wält ko, do bisch dehai,

Tiggsch wie Basel und kasch ‘dytsch’ reede!

Die Liebi isch ainzig, doch bisch nit ellai.

Basel dien no tuusig andri au meege!

  

Dr Blooggaischt 2019