Dr Zeedel 2012 vom Myggi

 

 

Sujet 2012:

Fiert die rooti Bloog im Grosse Root

Basel no in Not?

 

Binggis:  Gäll, Babbe, me git die rächti Hand,

              So isch es höflig und au galant.

 

Babbe:   Jo, mi Bueb, so ischs rächt,

              Die Linggi wäri schlächt.

 

Binggis:  Babbe, denn isch die Linggi schlächt,

              Und numme die Rächti machts rächt?

 

Babbe:   Nai Bueb, grad eso aifach kaschs nit sage:

              D Politik zum Bisspiil, die isch verschlage.

 

Binggis:  Babbe, worum sait me de Lingge au die ‚

                                                                   Nätte‘?

               Will si das vo sich sälber gärn eso hätte?

 

Babbe:   Si vertaile kaibe gärn, was iine nit ghört.

              Dasch was mi an dääne so saumässig stört.

 

Binggis:  Babbe, haisst das, ass die Rächte dien zahle

              Und die Lingge numme drmit umeprahle?

 

Babbe:   Pscht Bueb, sig besser still.

              S macht halt jede, was er will.

 

Binggis:  Babbe, worum sin die Lingge root?

              Dien die sich so schämme bis in Doot?

 

Babbe:   Nai Bueb, die und schämme, dasch e Witz,

              Zerscht verschängge die unsri Schwiiz!

 

Binggis:  Babbe, du mainsch, mir mien no änger zämme

                                                                         rugge?

              Löhn is ohni z‘mugge aifach in Egge drugge?

 

Babbe:   Hejo, die hole glatt alles iine in d Schwiiz;

              Mer integriere schyynts alli ganz ohni Gritz!

 

Binggis:  Babbe, mir wird’s drümmlig bi däre Sach,

              Do druus gits jo numme viil Gschwätz und

                                                                        Grach.

 

Babbe:   Mi Bueb, loos zue, sisch e aifachi Gschicht.

              Wie oft im Lääbe griegt Gschwätz viil z viil

                                                                       Gwicht!

 

Binggis:  Babbe, mainsch sisch e halb so schlimmi Sach,

              Wär bi dääne au dr Verstand hällwach?

 

Babbe:   Jo Bueb! Kaschs au mit de Händ vergliiche

              Die Lingg bruuchsch zum Heebe, die Rächt fürs

                                                                        Striiche.

 

Binggis:  Du mainsch beidi Händ sin zum Schaffe

                                                                   dänggt,

              Falls s Hirni für anders nit wiiter länggt.

 

Babbe:   Politik isch e kopflose Kampf um Aaseh und

                                                                     Macht;

              Gueti Maniere und Respäggt wärde aifach

                                                                       verlacht.

 

Binggis:  Damit am Aendi doch öppis Bruuchbars

                                                                     entstoht,

              Wird zerscht unnötig lang dischpidiert, bevors

                                                                          goht!

 

Babbe:   Damits nit glyych blybt und ainewäg wyter

                                                                         goht,

              Verdünne mer mit Begaischtrig das läschtig

                                                                         Root!

 

Binggis:  Aber Babbe, näbe de Rächte und Lingge

              Gits no Grieni, wo mit Verändrige wingge?

 

Babbe:   Die dien nit weeh, do längt e Pflaschter -

              Wie bi de Raucher – gege d‘Laschter!

 

Binggis:  Parteiloos – das ligt für mi uff dr Hand –

              Zügt ainzig vo klarem Menscheverstand!

 

Babbe:   Und wie Phönix uus dr Aesche stygt dr Stab

              Uffrächt und erhabe uus sim roote Grab!