D Vorberaitige und d Vernissage

D Vernissage isch e grosse Erfolg gsi und erscht no bi herrlirem Wätter.

Dr Mäntig - oh je - isch nass gsi. D Larve hän glidde und miesse gfliggt wärde (Dangg em hilfsberaite Nochbuur hets None Straumann-Implandat gä). Myni veieledde Wiehnachtskigeli hän iiri Farb abeghyylt und uff die wyssi Deggi drepflet. Aber am Schlimmschte hets myni liebevoll vorberaidete Presäntli verwitscht: myni Veiedli sind in iire Seggli ze Sirup verloffe.

Dr Zischtig isch verseenlig gsi. Und d Familie hets gnosse.

Am Mittwuch hämmer dänggt, mer leege kai Blastigg aa, sunscht wurd jo kai Mench unsri scheene Goschdym kenne gseh. Und...es het kuum grägnet.