E Hommage an -minu sy Goschdymkischte

 

  

Eb Glassiger, Verschwundes oder Neyerfindig

Ganz gwiis wird e jede in syner Kischte  findig.

Vorlaage, wo e jedes Fasnachtshärz loot gumpe.

Eb Siidetuech, Sammed oder au alti Lumpe

Fir alles gits Vorschleeg und Inschpirazioone,

Drzue vo dr Joray no d Illuschtrazioone.

  

Syt Joore scho giggelet mi druus e Goschdym aa. 

Jetz han is ändlig gwoggt, ha  gschnurpft, jetz bini draa. 

Und worde ischs e  bsundere und fiirnäme Draum 

Vo dr Krone iber d Larve bis aabe zem Saum. 

E Grälleligranz isch s Härzschtigg vo myner Schääse: 

E wiehnachts-dootedanz-fasnächtligs Wääse.  

 

Uff em Gottsagger kasch em Grälleligranz bigägne 

(Grälleli wääle jo schliesslig nit, au wenn s duet rägne). 

Duusigi  Grälleli wärde zue scheene Bliemli 

Mit Kigeli und Lätschli und siidige Riemli. 

Soone Wundergiggli isch au my Goschdym, gnau esoo 

Ooni Zwyyfel, au das wird zem Glassiger – noodisnoo!

 

   

  D Ladäärne- uff em Minschterplatz und d  Waage- und  Reggwisyte- 

   Uusstellig bi dr Kasäärne sin vom Määntig znacht bis am Mittwuch 

   demoorge! - Nit verbasse: d Schääsede am Mittwuch zwische 5 und 

   6 Zobe  am Bluemerain!