Mer hän is gfreut uff die erschte Fasnacht halt ooni Schääse. Das het scho e weeneli wee do, aber i wott mi nit mit dääne Dierschützer aaleege, wo partout nit wänn gsee, wie mir Sorg gän zue unsre Rössli. D Schääse ghööre aifach zur Fasnacht. Aber wär het denn die Fans im Griff? Was wenn aine e Farbsagg schmaisst? Was wenn soone Lappi d Rössli geziilt duet schüüche?

 

Do i mit mym Grosskind uff dr Schääse gsi bi, hani e grossi Verantwortig und das Risiko isch mer denn doch zgross. Also göömer als Schyssdräggzüügli: Soon, Schwiigerdochter und Grosskind mit dr alte Kindsschääse.

Im Noogang

 

D Frau Fasnacht het nit deerfe ko das Joor

Es herrschi vyyl e z grossi Virus-Gfoor!

S nägscht Joor simmer zrugg uff Wulgge 7;

Das wird denn e haillos feschtlig Dryybe!

Was isch, wenn ych aber denn nimmi maag?

Schliesslig wird ych au älter Daag fir Daag.

An so ebbis darf ych gar nit dängge

Myni  Drääne wurde mi erdrängge.

Do flischtered e Schtimm mer lyyslig  yy

Esoo schlimm wurd is niemools fir mi syy.

 

 

©Dr Blooggaischt