D Nit-Fasnacht 2021

 

Jetz isch si verby d Nit-Fasnacht, uff und dervoo.

Derby isch si jo aigetlig gar nit erscht koo.

Aber ych ha gmacht, was i versproche ha;

I bi duur d Stadt mit em scheenschte Goschdym aa.

S isch gsi als gheeri d Fasnacht mir ganz ellai.

Vyyl zweeni sin mit Goschdym und Larve uff de Bai.

Im Roothuus – wie aagsait – hogg i deert uff d Stääge

Und bi bletzlig umgää vo m e Blitzliechträäge.

Fraid und Begaischterig schloot mer entgeege;

Me hätt no vyyl mee Fasnacht erlääbe meege.

Vo ganz oobe het is au dr Petrus dreeschte welle.

Är het d Sunne gschepft mit syner greeschte Kelle.

Jetz pagg i mit Weemuet my Goschdym wider yy.

 

E Syffzger us diefschter Bruscht, denn isch s verby.