Schääsede

Was isch e Schääsede? D'Bizaichnig 'Schääsede' isch my freyi Erfindig, aber sait denn nit s'Wort scho alles?

 

Chaise = Schääse = Schääsede, dasch simpel e Dräffe vo verschiidene Chaise!!

 

Am Cortège sin si zwoor beliebt, aber so schnäll verby. De heersch zwoor no s 'Aaaah' und 'Ooooh' und 'die sin scheen'! Hän die Sekunde au glänggt, s'Sujet z' verschtoo und d'Goschdym gnauer z'bewundere?

Me ka Waage, Reggwysite und Ladärne in aller Rueh go aaluege. Aber d'Chaise!? Dasch halt mit de Ross in sonere Form nit meeglig, aber vor e baar Joor isch d' Idee entstande:

 

Am letschte Fasnachtsdaag ab de halbi säggsi hän sich d'Chaise, wo s yrichte hän kenne, am Bluemerain droffe. Do het me si us der Neechi kenne aaluege und bestuune. Vor dr herrlige Kulisse vom Hotel Drey Keenig hämmer unseri Goschdym präsentiert: e Fasnachts-Kättwook reschpeggtive e Fotischuuting!

Wär eppis het welle wisse, het unscheniert Frooge derfe stelle.

 

D'Schääsede stoot sit 2014 under em Patronat vo dr IG Chaise! I ha si aber no bis 2015 wyter organisiert. Kinftig duet dr Vorstand vo dr IG Chaise dä Aaloss organisiere. Do drmit wärde neje Wäg ygschlage.

I frai mi, ass d IG mi Idee wyterdrait und bi gpsannt uff d Nejrige.